Persónuverndarstefna Privacy notice

gtaisland.com er óháður aðdáendavefur, rekinn af íslenskum aðdáendum. Hér er nákvæmlega hvað er geymt um þig, hvar það er geymt og hvernig þú eyðir því. Engar auglýsingar og engin sala á gögnum. Vefurinn mælir heimsóknir og þú ræður hvort sú mæling notar vafrakökur.

Að skoða vefinn — án aðgangs

Þú getur lesið allt á vefnum án þess að skrá þig. Vafrinn þinn geymir þá stillingar á þinni eigin vél (localStorage): valið tungumál, svarið þitt um mælingu og persónulega lestrartölfræði sem birtist bara þér. Þessi gögn fara aldrei til okkar.

Mæling á umferð

Vefurinn telur heimsóknir á tvo vegu. Hvorugur segir okkur hver þú ert.

Cloudflare Web Analytics telur flettingar. Það notar engar vafrakökur og engin persónuauðkenni — við sjáum fjölda flettinga, ekki hver þú ert. Það geymir ekkert í tækinu þínu og er því alltaf virkt.

Google Analytics 4 frá Google sýnir okkur hvaða síður eru lesnar. Mælingin keyrir með Consent Mode v2 og sjálfgefið er henni hafnað: þangað til þú samþykkir fær Google aðeins kökulausar sendingar og ekkert auðkenni er geymt í tækinu þínu. Ef þú samþykkir setur Google Analytics vafrakökur og Google vinnur gögnin sem sjálfstæður þriðji aðili.

Auglýsingamerki Consent Mode — ad_storage, ad_user_data og ad_personalization — eru alltaf óheimil, líka eftir að þú samþykkir. Samþykkið breytir aðeins analytics_storage.

Þú velur í borðanum sem birtist við fyrstu heimsókn. Valið er geymt í vafranum þínum undir lyklinum gta6is-consent og fer ekki til okkar.

Þú mátt skipta um skoðun hvenær sem er: Breyta valinu Þá gleymist fyrra svarið og borðinn birtist aftur. Mælingin er óheimil á meðan þú svarar ekki.

Myndbönd í greinum

Sumar greinar hafa YouTube-myndband. Spilarinn hleðst ekki sjálfkrafa. Þú sérð smámynd úr myndbandinu og hnappinn „Spila myndband frá YouTube“.

Smámyndin kemur frá Google (i.ytimg.com), svo Google sér IP-töluna þína og upplýsingar um vafrann þegar síðan opnast. Það er eina sambandið sem verður til við Google út af myndbandinu ef þú lætur það vera. Spilarinn er ekki á síðunni og ekkert fer til youtube-nocookie.com.

Ýtirðu á hnappinn hleðst spilarinn frá youtube-nocookie.com. Þá fær YouTube IP-töluna þína og upplýsingar um vafrann þinn og getur geymt gögn í tækinu þínu. Þú ræður þessu í hvert sinn — hvert myndband er sér og valið geymist ekki.

Ef þú stofnar aðgang

Aðgangar eru geymdir hjá Supabase á netþjóni innan Evrópusambandsins (Frankfurt, Þýskalandi). Þar er geymt:

• Netfang og lykilorð. Lykilorðið er aðeins geymt dulkóðað (hash) — enginn getur lesið það, ekki heldur við.
• Prófíllinn þinn: notandanafn, leikjavél, lið (Jason eða Lucia), útlitsval á prófílmynd og borða, og stöðulínan þín.
• Áhafnaraðild: hvaða áhöfnum þú tilheyrir, tign þín og hvenær þú gekkst í þær — og áhafnir sem þú stofnar.

Opinbert: notandanafn, prófílmynd og tign birtast öllum á áhafnasíðum sem þú tilheyrir; áhafnir sem þú stofnar birtast í áhafnaleitinni. Netfangið þitt birtist aldrei opinberlega.

Tölvupóstur

Vefurinn sendir aðeins nauðsynlegan póst — staðfestingu á nýskráningu, endurstillingu lykilorðs og staðfestingu á breyttu netfangi — frá no-reply@gtaisland.com í gegnum Resend. Enginn markpóstur, ekkert fréttabréf.

Að eyða öllu

Á prófílsíðunni er hnappurinn „Eyða aðgangnum mínum“. Hann eyðir aðgangnum og öllum gögnum hans af netþjóninum samstundis og varanlega — prófíl, áhafnaraðild og áhöfnum sem þú stofnaðir. Ekkert afrit verður eftir hjá okkur.

Mælingargögnin hér að ofan eru ekki tengd aðgangnum þínum og hverfa því ekki með honum. Google-mælingu stöðvarðu sérstaklega, eins og lýst er hér að ofan.

Þjónustur sem vefurinn notar

• Cloudflare — hýsing og kökulaus umferðartalning.
• Google (Analytics 4) — vefmæling; kökulaus þar til þú samþykkir.
• YouTube (Google) — smámyndir myndbanda; spilarinn aðeins þegar þú ýtir á hann.
• Supabase (ESB) — aðgangar og samfélagsgögn.
• Resend (ESB-svæði) — sending staðfestingarpósta.

Spurningar

Sendu línu á hello@gtaisland.com — við svörum eins fljótt og fingur leyfa.